Cultura

Los Sidros de Valdesoto y Os Reises del Valledor mazcaren Lisboa

24/05/2010 a les 16:00:00

La V edición del festival Mázcara Ibérica de Lisboa yá pasó. Esti añu les temperatures altes foron les protagonistes d'esti eventu internacional. La capital lusa algamó rexistros más propios del branu que del mes de mayu.

IVÁN G. FERNÁNDEZ, LISBOA
El sábadu 22 de mayu, a la hora del desfile peles cais de la Baixa lisboeta, los partipantes sufrieron nel pelleyu –nunca meyor dicho pa estos personaxes revistíos– un sol de xusticia y 32 graos de temperatura, que fixeron que'l recorríu, d'hora y media aproximao de duración, fora un verdaderu infiernu pa munchos.

Los de Valdesoto diben repartiendo sidra fresco, dalgo que nun faltó a lo llargo de la hora y media del desfile –y tampoco en tola fin de selmana– y que tanto'l públicu como los propios participantes agradecieron. Hai que destacar el bon papel que fixeron Os reises na so primer participación na Mázcara Ibérica y ye qu'esti añu foron los propios ayandeses los que se desplazaron hasta Portugal pa dar a conocer la tradición del aguilandu.

A partir d'agora, tanto la organización Progestur como tolos colectivos de mázcares que participen nesti actu internacional yá se tán poniedo a trabayar pensando na sesta edición del añu que vien, un eventu qu'añu tres d'añu convierte a Lisboa na capital europea de la mazcarada.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam