Economía

Los precios xuben cuatro décimes y la inflación sitúase nel 1,9%

29/07/2010 a les 13:46:29

L'Institutu Nacional d'Estadística (INE) informó güei de que l'Índiz de Precios de Consumo Armonizado (IPCA) xubió esti mes de xunetu hasta'l 1,9%. Esto pon a los precios cuatro décimes más per enriba qu'en xunu, y ye'l datu más altu dende payares del 2008 cuando llegó al 2,4%. Con esti, son yá nueve meses con tases positives. Esto supón tamién un aumentu nos precios de la cesta de la compra, influyíu pola xubida del IVA y en concretu, de los precios de los alimentos, les bebides non alcohóliques, el gas y los viaxes.


El Gobiernu español, viendo la evolución de los últimos meses, descarta'l riesgu de deflación y cree que la economía entró nuna fase de estabilización y normalidad. Sicasí, ye daqué orientativu. El datu definitivu el IPC xeneral, que puede nun coincidir col IPCA, nun se conocerá hasta'l 12 d'agostu. L'IPCA sirve-y a Eurostat pa calcular l'índiz d'inflación na UE y da idea de cómo evolucionen los precios nel Estáu español.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam