Cultura

Los Oricios debuten con «Inmersión»

07/03/2010 a les 10:45:33

El grupu de rock Los Oricios, con componentes de Xixón y Uvieu, ta acabante sacar al mercáu’l que ye’l so primer trabayu discográficu, col títulu d’Inmersión (Santo Grial Records).

Los Oricios créase como un xiru alternativu dientro de la banda Amores Perros, col oxetivu de diversificar estilos y crear dalgo más cenciello d’escuchar que’l tangu (música interpretada fundamentalmente por aquella banda), «una bona disculpa pa blincar nel escenariu», cosa que nun podíen facer n’Amores Perros. Formáu por cuatro de los sos componentes, Rafa, David, Leo y Adrián, a los que se xunta como guitarrista Jairo, empezaron a ensayar hai un añu, aprovechando los ratos llibres que-yos dexaben los sos proyectos. A mediaos del 2009 grabaron lo que diba ser una maqueta y qu’acabó convirtiéndose nel so primer discu, Inmersion. Nél inclúin seis cantares, ente ellos una versión del perconocíu cantar «Guantanamera», qu’ellos convierten en «Cuenca Minera» (del que yá tienen grabáu un videoclip).

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam