Asturies

Los directores xenerales imputaos polos minipisos de La Llaboral van declarar los díes 16 y 24

07/03/2010 a les 11:14:48

El director xeneral d’Ordenación del Territoriu y Urbanismu, Guillermo Morales, y el que fora responsable de Patrimoniu del Principáu, Javier Elías José Uría, van declarar énte’l Xulgáu d’Instrucción númberu 2 d’Uviéu los díes 16 y 24 de marzu, respectivamente, en calidá d’imputaos na denuncia qu’interpunxo’l PP sobre’l proyectu de los minipisos pa xente mozo na Universidá Llaboral, en Xixón.

El maxistráu de la sala, Ángel Sobrando, citólos a los dos y tamién al ex-director xeneral de Vivienda del Principáu y agora director xeneral de la Zalia, Enrique Álvarez González, y a los dos arquitectos del proyectu, que viven en Madrid.

Les sos comparecencies, que diben celebrase en xineru, retrasáronse por un erru na citación judicial. El xuez, pela so parte, fixo un exhortu a Madrid pa la práctica de la prueba de los imputaos que viven na capital, ensin que prestaren declaración de momentu.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam