Cultura

Lorient : ultimu vienres

14/08/2010 a les 15:01:03

El festival va pasando pucuñin a pocu , delles veces faesete etenru , otres paezte que nun te das cuenta de lo rápido que tá pasando too. Esperabame un vienres cargau de coses que facer y que ver. Entamé bien ceo , al mediu dii teniemos reunión del xurau de curdión diatónicu que diba a faese pela tarde, una bona riestra xente que tabamos coordinaos por Thomas Moisson , ganador d"esti concursu , nuna edición anterior, y gran curdioneru , y con xente tan importante como Fred Lamberge "Gazman" , Alain Pennec, y dellos músicos más , y que tuvieron a bien contar con 2 xuraos asturianos , yo mesmu y Milio Martinez, yeremos un total de siete.
El concursu entamó a les 3 de la tardi y dibamos tener el placer d"oyer a siete curdioneros de un nivel perbonu , y que mos diben a dexar a los miembros del xuráu un llabor complicau , pa escoyer un ganador . La xente que participaba diba sorprendiendomos al xurau col so buen facer nel escenariu ( notose el procesu d"escoyeta que llevose fae unos meses ). La verdá que el xurau decidimos que el ganador fuere el asturianu Marcos G. Alonso, curdioneru del grupu Blima , que fexó una impecable actuación enllena de guapos cantares tocaos con unes harmonies guapes y un ritmu perfectu, Marquinos foi xustu ganador de un concursu que tuvó un nivel altisimu , y que ya tuviere él mismu, cercanu a ganar nos años 2007 y 2008, con dos segundos puestos, asina mesmo tamién ganó el premiu que el público da cones sos votaciones , colo que nun hebó nenguna polemica cola nuestra escoyeta.
Prestariame resaltar tamíen n"especial dos curdioneros que tuvieren tocando : el tercer clasificau Stevan Vincendeau, mozu bretón que sorprendiomos col so virtuosismu ( anque tamien foi precipitau na so interpretación, fayendo tou un alarde de técnica y velocidá), y la moza bretona Audrey Le Jossec, que foi la segunda clasificada tocando un curdión de 2 fileres y ocho baxos, y que fexó toa una demostración de sensibilidá y bon gustu na so interpretación con unes harmonies de xuru nun tan complicaes , pero tamíen adecuaes y elegantes, y de como nun tenemos que escaecer lo guapo de lo cenciello , que nun quier decir que nu sea fácil de faery de tocar, munches veces topar esto ye muncho más complicao..... El resultau nun voi negar que prestome , porque ye dir pasin a pasin confirmando la realidá d"Asturies nesti tarren : tamos poniendomos nel mapa de la cultura del curdión , con un llugar reconocible como propiu, y cola personalidá y calidá p"algamar reconocimientu.
De nueche esperabame un de los conciertos de los que más ganes tenia : Frigg col grupu de Julien Le Mentec , y la Boutinne Souriante. Frigg ye un grupu que prestame asgaya , tuvi la suerte de faer esti añu un conciertu conxuntu con Felpeyu y Xosé Ambás , na Felguera y foi prestosu a más nun poder. Equí presentaronse na primera parte del conciertu solos, la xente ablucó al oyer la enerxia de cuatro vigulinos, xunto a un contrabaxu, una guitarra, y un bouzouki, tienelo too , toquen como fieres, dominen l"escenariu, pasenlo bien faciendo lo que faen , y tresmitenlo a la xente, que disfruta asgaya nos sus conciertos, depués na segunda parte subieren xunto a ellos Julien Le Mentec grupu , con Sylvain Barou a la flauta , Julien Le Mentec a los teclaos, un bombarda, un gaiteru de Veuze ( gaita del sur de Bretaña), un gaiteru irlandés, Un saxu baritono , percusión y clarinete, tocaren en conxuntu con Frigg delles de los sus pieces clásiques que conocia como " Jalla Jalla " o " Norsken ", dexandomos un aire nuevu , onde destacaba les improvisaciones a la flauta de Barou , y la direción de Le Mentec. Remataron la so actuación con un "tour" ( variante "galoise" del andro de la parte que nun fala bretón de Bretaña), con unas rueda d"improvisaciones conxunta que toa l"audiencia baillaré.
Depues subieren al escenariu la que pa muncha xente ye ensin dulda , la " meyor banda folc del mundu" : la Bottine Souriante, fixeron toa una demostración de como tocar increiblemente bien , y ganase a les tresmil -cuatromil persones que taben elli. Esti grupu tien unes harmonies vocales increibles y guapisimes, una seción de vientos al estilu de la meyor "big band" que vos podeis imaxinar , y un curdioneru , vigulineru y vigulin-guitarra, que paecen tener fueu nos deos tocando unes melodies bien feches , y cola base del baxu y el pianu , vamos nueve musicos n"escena, faciendolo a les mil maravies , aparte col dominiu d"escena que engancha a la xente y faete metete y faen metemos con ellos desde el minutu unu de conciertu hasta l"ultimu de los bises, tienen gracia, dinamismu y musicalidá. ¿Que más sé pue pedir?, enganchente col so zapateau desde que salen al escenariu y tas col freneticu ritmu que marquen los pies en escena hasta que acaben de tocar. Espectacular el solu de los 4 zapateaos , onde ta con ellos Sandy Rivera , la baillaora que yos acompaña faciendo claqué , faciendo coreografies. Momentu increible!!!!!
Ya de nueche animó la carpa Nuala Kenedy band , espectacular banda de la flautera escosesa , que tien ente los sos musicos a vieyos conocios nuestros : Ian McCleod a la mandolina ( actualmente en Harley con Xel Pereda y Simon Bradley) , Filippo Gambetta ( curdión diatónicu) guitarra , percusión , y baxu, y que tocaron delles pieces asturianes comao l"alborada de Rinsky, pasucais de Peruyes , con unos arranchos enerxicos y que fixeron baillar a tol mundiu....... Asina rematamos la nueche!!!

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam