Cultura

Llaboral y Conseyería de Cultura convoquen la cuarta edición del Premiu LAB_Xoven Eperimenta

07/09/2010 a les 21:15:15

La Conseyería de Cultura y Turismu y Llaboral Centru d'Arte y Creación Industrial, convocaron la cuarta edición del Premiu Lab_Mozu_Experimenta, dientro del Programa Culturaquí, dotáu con 18.000 euros.

El premiu ta dedicáu a proyectos artísticos esperimentales -instalaciones, multimedia, acciones, intervenciones y cualesquier otru procesu creativu-, concebíos específicamente pa la so instalación na Sala Plataforma 1 de Llaboral Centru d'Arte y Creación Industrial.

Van poder presentase artistes o colectivos d'artistes residentes n'Asturies o descendientes d’hasta segundu grau d'emigrantes y que la so edá nun supere los 35 años. El plazu de presentación de los proyectos conclúi'l próximu vienres y los proyectos tendrán de ser orixinales ya inéditos y nun van poder presentase artistes o colectivos que resultaren premiaos n'ediciones anteriores.

El xuráu, del que van formar parte personalidaes relevantes del ámbitu artísticu, va fallar el premiu na segunda quincena de setiembre considerando l'adecuación al espaciu específicu, el valor artísticu y la calidá técnica de la realización. Situation Room, de Pablo de Soto, Crisálidas, de Fernando Gutiérrez, y En Barbecho, d'Alicia Jiménez, foron los premiaos n'ediciones anteriores.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam