Cultura

L’Intercélticu de Tapia homenaxeó a tolos marineros desaparecíos

20/08/2010 a les 14:42:33

El Festival Intercéltico d'Occidente, de Tapia, realizó esti xueves 19 d’agostu un homenaxe a los marineros desaparecíos. Con esti emotivu actu, los organizadores recordaron el 50 aniversariu del naufraxu del barcu Ramona López, onde finaron seis marineros tapiegos.


Los actos del Festival Intercéltico d’Occidente siguen el so cursu hasta’l día 23, que va ser cuando dean remate les celebraciones. Esti vienres 20 abrió la muestra fotográfica Historias de vida , el mercáu tradicional y la esposición Polisones y Miriñaques . La banda de gaites de Verea y Willwood encárganse d’animar la cai. Los neños van esfrutar dende les cinco de la tarde del taller etnográficu, qu’inclúi una chocolatada, y dos cuentacuentos. Los músicos John Joe Kelly y Brian Finnegan van participar nun coloquiu a les ocho de la tarde nel auditoriu de la Casa de Cultura y a les 23.30 hores va celebrase’l Murallón Folk, con Brian Finnegan Trio y el gallegu Chirlo Mirlo.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam