Cultura

LESNOTICIES.com ufierta'l tema principal del documental de Melania Fraga «Eu soi quen fun»

REDACCIÓN. UVIÉU - 19/01/2012 A LES 15:42:35

Los llectores del diariu dixital LESNOTICIES.com yá puen sentir, n'esclusiva, el cantar Eu soi quen fun, tema principal del documental que, col mesmu títulu, dirixó la realizadora Melania Fraga sobre la poeta Ana Vega. El cantar, con música compuesta por Alejandro Lafuente, tien lletra d'un poema d'Ana Vega y ta interpretáu por Rebeca Velasco, a la qu'acompañen Antón Fernández Ceballos a la guitarra y Leonel Duarte de León a la percusión.

El documental Eu soi quen fun presentóse'l 14 de xineru nel Antiguu Institutu Xovellanos, de Xixón, y, nél, la poeta Ana Vega pasia pelos paisaxes humanos, naturales y musicales d'El Franco garrada al filu de la so historia familiar, un llinaxe de músicos ambulantes qu'arranca colos tataragüelos Mediaoreya.

Al final del actu, los propios Alejandro Lafuente y Rebeca Velasco interpretaron en directu'l cantar Eu soi quen fun, un tema onde resuena, «allá alantrones, el violín de la güela Mediaoreya tocando na alameda de Porcía», en palabres de la escritora Rosario Hernández Catalán.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam