LESNOTICIES.COM ofrezte oyer un cantar de «Ye too mentira», el discu nuevu de Skama la Rede

Skama la Rede acaba de salir del estudiu de grabación onde tuvo estes selmanes pasaes rexistrando lo que va ser el so tercer discu, que va llevar de títulu Ye too mentira y nel que s’inclúin doce temes. La novedá más importante en comparanza colos sos trabayos anteriores ye l’endurecimientu del soníu, por cuenta de la incorporacion d’otra guitarra a la formación y la desaparición de los teclaos.

L’estilu de Ye too mentira enmárcase claramente nun ska-rock contundente onde se nota la evolución d’estos músicos con composiciones y arreglos bien trabayaos. Les lletres, mui cuidaes llingüísticamente, siguen moviéndose ente la ironía, la crítica y la chancia, con pieces como «Sarxentu retonda», «Si lo diz mio güela», «Nun vais poder» o «Na nuestra realidá».

La grabación tuvo dirixida pol conocíu productor musical Sergio Rodríguez nel so estudiu Tutu en Los Campos (Corvera) y fíxose con un procedimientu semianalóxicu cola intención de llograr un soníu vinilu que-y amestara un plus al discu.

A la espera de la so publicación d’equí a unos díes, LESNOTICIES.COM ufierta en primicia oyer ún de los cantares d’esti Ye too mentira: trátase del tituláu «Albo-rada impopular», que los componentes de Skama la Rede dediquen a les muyeres de la fábrica d’Albo de Candás.

 Sienti'l cantar

Skama la Rede.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam