Actualidá

Les llingües de Francia aúnense pa reivindicar derechos

DAMIÁN BARREIRO . UVIÉU - 14/02/2012 A LES 12:01:43

El 31 de marzu, toles comunidaes llingüístiques del Estáu francés van entamar delles actividaes y manifestaciones a nivel xeneral. Asina, occitanos, vascos, bretones, corsos, alsacianos y catalanes van esixir en distintos territorios y de manera unitaria una llei qu'otorge derechos pa les llingües minoritaries del Estáu francés.

En Bretaña espérase qu'unes 20.000 persones salgan a les cais pa reivindicar la so llingua. Por eso, les cais van engalanse con banderes, los comercios van decorar los escaparates con motivos bretones y dellos mercaos tradicionales y conciertos van animar la xornada. Per otru llau, Perpiñan, capital de la Cataluña Norte, va celebrar un lipdup col históricu cantar Parlem catalá, onde s'espera que participen 6.000 persones. Mentes, los vascofalantes de Bayona cuenten facer una manifestación de 5.000 persones que va ser el puntu final de dellos meses de trabayu dende les ikastoles, cursos p'adultos y conceyos.

En Córcega, les asociaciones pola llingua van entamar una manifestación na que van participar los colectivos de trabayadores en favor de la llingua. Tamién na ciudá occitana de Tolosa, una de les ciudaes más grandes y onde s'espera la mayor partipación, esperen convocar a la xente al traviés de más de 10.000 carteles. Otra manera, Estransburgo va acoyer un actu onde van participar los alumnos y asociaciones del alsacianu. Ta por confirmar una concentración en París, anque tovía nun se sabe'l día. Los entamadores dulden d'esti actu, porque si coincide colos otros podría tener muncha menos participación, pero tamién centraría l'atención mediática.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam