Les Noticies.com. Diariu dixital. 17-05-2012
L’enllaz d’El Berrón ente la Minera y l’A-64 nun va respetar la toponimia oficial
REDACCIÓN. UVIÉU - 10/10/2011 A LES 11:00:41A falta d’unos meses pa que s’inaugure l’enllaz ente l’Autovía Minera AS-I y l’A-64 n’El Berrón yá se pue comprobar que la señalización nun va respetar les formes oficiales de los topónimos. Nos lletreros, anque tán tovía por desenvolver, yá se puen ver formes como «Langreo», «Gijón», «Gargantada», etc., que yá nun son oficiales, dalgunes d’elles, dende hai seis años.
La directora xeneral de Política Llingüística del Gobiernu anterior, Consuelo Vega, en declaraciones feches a LES NOTICIES, destacara la coordinación ente’l so departamentu y el Ministeriu de Fomentu –responsable de les obres– pa qu’en tola señalización dependiente del Gobiernu del Estáu se siguiera la toponimia yá oficializada.
Según el Delegáu del Gobiernu, Antonio Trevín, cuéntase con que l’enllaz tea rematáu pal primer semestre del añu 2012. Les obres axunten más de 25 quilómetros de conexones y ramales y, polo tanto, suponen una montonera de lletreros colos correspondientes topónimos.
Comentarios fechos (2)
Bicicleteru 13/10/2011 a les 09:13:18
jajaja Viva Langredo... De la que cambien les señales podien pintarnos los arcenes pa xubir al pueblo que ye un peligru. Y quei quiten el todoterrenu a la lloca de molleo que me va a dexar sin perros
Pachu 10/10/2011 a les 16:49:18
Denuncia que te crió. Venga, menos llorar y más denunciar. ¿Qué van facer con esto la XDLA, AXA, BpA-UNA de Siero...?
Más resultaos, y menos lloramicos.
15/05/2012 - El Festival Internacional de Cine dexa d'usar la forma «Xixón» nel logotipu
26/04/2012 - La Vuelta Ciclista a Asturies va usar la toponimia oficial
30/04/2012 - «Tenemos el retu de convencer a la sociedá de que l'asturianu paga la pena»
03/05/2012 - La XDLA llama a manifestase esti vienres 4 de mayu, Día de les Lletres Asturianes
19/04/2012 - La XDLLA convoca pal 4 de mayu la manifestación pola oficialidá
Esta web cuenta con una subvención de la Conseyería de Cultura y Deporte del Principáu d'Asturies
© Diariu LES NOTICIES y PUBLICACIONES ÁMBITU
Cai San Xuan 5, 3u derecha - 33003 - Uviéu
Tel. 985 204 601 - Fax. 985 221 537
Avisu Llegal -
Creitos -
Móvil
