Actualidá

L’Axencia Asturiana de Cooperación destina 50.000 euros p’ayuda humanitaria en Pakistán

19/08/2010 a les 13:09:08

L’Axencia Asturiana de Cooperación al Desarrollu destinó 50.000 euros a financiar Ayuda Humanitaria a Pakistán, al través de Cruz Bermeya, respondiendo d’esta manera al llamamientu internacional que fixeron les organizaciones que tán trabayando yá nesti país.

El 70% del territoriu de Pakistán quedó afectáu poles inundaciones que destruyeron más de 700.000 viviendes y provocaron la perda cuasi total de los cultivos, según los datos facilitaos pol gobiernu pakistanín.


 Nesti momentu la prioridá ye restablecer el suministru d’agua potable y contribuir directamente a la prevención d’enfermedaes como la foria o afecciones respiratories. Cruz Bermeya ta distribuyendo suministros non alimentarios a 300.000 families desplazaes a les que se-yos ta entregando toldos plásticos, kits de ferramienta, tiendes de campaña, kits d’hixene, pastilles potabilizadores, depósitos d’agua, mosquiteres, cocines y esterilles.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam