Actualidá

L’Autovía del Cantábricu sálvase del plan d’axuste, pero Blanco nun da feches

27/08/2010 a les 10:25:37

El ministru de Fomentu, José Blanco, aseguró ayeri nel Congresu de los Diputaos que les obras de la Autovía del Cantábricu (A-8) na zona gallega van rematar en 2012. Sicasí, nun puso nenguna fecha pa los tramos asturianos.

Blanco compareció na Comisión de Fomentu pa esplicar los cambios nes obres públiques tres el reaxuste de la inversión, elevando ésti a 700 millones, lo que va permitir salvar 49 infraestructures en tol Estáu.

El Ministru de Fomentu confirmó que’l fondu estraordinariu d’infraestructures va incluir parties pa reactivar diez tramos de l’Autovía del Cantábricu. Anguaño, n’Asturies queden cuatro ensin finar -Navia-Tapia, Muros-Las Dueñas, Otur-Villapedrei y Unquera-Llanes-.

Sobre l’últimu tramu, aseguró que va resolvese anque haya unes dificultaes grandes qu’obliguen a modificalo. Con too, Blanco nun faló nin d’inversión nin de calendariu, afirmando que nun habrá nada definitivu hasta que’l Parllamentu español apruebe los presupuestos de 2011.

El Ministru aseguró, en respuesta al Bloque Nacionalista Galego, que l’A-8 vertebra’l Norte, “nun beneficia namás a Asturies, Cantabria o Galicia, sinón a tolos ciudadanos en xeneral”.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam