Llingua

L’Academia de la Llingua espubliza’l númberu 102 de «Lletres Asturianes»

08/11/2009 a les 08:00:00

L’Academia de la Llingua Asturiana ta acabante de facer llegar a les llibreríes el numberu 101 del so boletín, Lletres Asturianes.

Nesta entrega nueva del boletín oficial de la institución, na sección de trabayos d’investigación aparecen artículos y estudios como El proceso de castellanización al sur de la Cordillera Cantábrica en el siglo XVII (José R. Morala Rodríguez), Notes sobre l’asturiano-leonés medieval na ciudá de Lleón nel primer terciu del sieglu XIV (Héctor García Gil), Metereoloxía popular n’El Cabu Peñes (Rubén Fernández Martínez o Cartes de Fermín Canella a Víctor Balaguer (Pilar Fidalgo Pravia).

Nun aparecen nesta ocasión otres secciones avezaes como «Lletres nueves» y «Lletres vieyes», dedicaes respectivamente a la creación actual en lingua asturiana y a la recoyida y estudiu de la lliteratura d’antaño. Esti númberu 101 complétase coles «Notes y anuncies», onde se recueyen los discursos de José Angel Hevia y Ana Cano González nel XXX Día de les Lletres Asturianes, amás d’una compilacion de tolos llibros espublizaos pola Academia de la Llingua, más delles noticies que tienen al asturianu como protagonista; zárrase coles bases de tolos concursos que convoca anualmente esta institución (investigación, llectures pa rapazos, creación literaria, recoyida de material lliterario oral, teatru, recoyida de material lliterario escrito, curtios cinematográficos y cómics).