Les Noticies.com. Diariu dixital. 08-02-2012
La Xunta denuncia que RTPA niega informes a la Procuradora Xeneral
26/08/2010 a les 14:08:10
La Xunta pola Defensa de la Llingua vien de denunciar que la RTPA lleva más de cuatro meses negándose a entregar informes solicitaos pola Procuraduría Xeneral d'Asturies.
Según informen, los documentos versen sobre'l «tratamientu de marxinación que carez la llingua asturiana na so programación». Sicasí, dende la oficina de la Procuradora Xeneral confirmaron-yos que yá los solicitaron en dos ocasiones y nun tuvieron rempuesta dala.
La solicitú d’informes tien que ver cola campaña de correos que la XDLA entamó va dellos meses pa pidir a la dirección de la RTPA más programación n’asturianu. La Xunta afirma que yá foron más de 5.000 los mails qu’aportaron a les diferentes cuentes de los directivos. Al empar, anuncien que la campaña tovía sigue abierta.
A too ello, súmase agora la presentación d’una quexa oficial énte la Procuradora Xeneral, «que tien ente les sos funciones la defensa de los derechos de la ciudadanía asturiana y el cumplimientu de les disposiciones llegales d’ámbitu autonómicu, estatal y européu».
La organización de defensa del idioma diz qu’en cumplimientu d'estes funciones la Procuraduría solicitó delles veces la documentación pertinente al Ente Públicu, «pero esti, en rebeldía contra les instituciones democrátiques y les disposiciones de la llexislación vixente, niégase sistemáticamente a la entrega d'información y al cumplimientu de la llegalidá».
Poro, la Xunta pola Defensa de la Llingua pide una actuación contundente dende del instituciones encargaes de velar polos derechos cívicos y pol cumplimientu de les disposiciones llegales asturianes, estatales y europees.
23/01/2012 - La Vuelta a España comprométese a usar la toponimia oficial asturiana
16/01/2012 - Vallaure: «L'axuste en Política Llingüística va compensase cola voluntá política»
19/01/2012 - Llamazares va usar l'asturianu nel Congresu pa pidir el reconocimientu de la Especialidá
06/02/2012 - El tramu de l'A-8 abiertu esti sábadu nun respeta la llegalidá toponímica
24/01/2012 - Los medios de comunicación d'Asturies inoren la toponimia oficial
Esta web cuenta con una subvención de la Conseyería de Cultura y Deporte del Principáu d'Asturies
© Selmanariu LES NOTICIES y PUBLICACIONES ÁMBITU
Cai San Xuan 5, 3u derecha - 33003 - Uviéu
Tel. 985 204 601 - Fax. 985 221 537
Avisu Llegal -
Creitos -
Móvil
