Llingua

La XDLA analiza la situación de la educación n'asturianu

REDACCIÓN. UVIÉU - 18/01/2012 A LES 12:38:12

La Xunta pola Defensa de la Llingua Asturiana (XDLA) principia esti xueves col ciclu de meses redondes tituláu 15 años del Llibru Blancu: revisión y actualización de la política llingüística. La primer mesa va tratar el tema de la educación con dellos especialistes na materia, como l'académicu y profesor de la Facultá de Maxisteriu Xosé Antón González Riaño, la sindicalista Beatriz Quirós, y les profesores d'asturianu Iris Díaz Trancho y Paz Fonticiella. Va moderar el debate Xosé Candel, profesor y miembru de la Xunta pola Defensa de la Llingua Asturiana, esti xueves 19 de xineru, nel Antiguu Institutu Xovellanos de Xixón, a les 18 hores.

La organización quier analizar cuála ye la situación depués de 15 años de la publicación del Llibru blancu; qué s’avanzó nos quince años que colaron y, sobre manera, cómo pue ayudanos una reflexón nueva p’actualizar les estratexes y les propuestes que dende un movimientu de reivindicación llingüística han facese pa encarar con fuercies anovaes un futuru inciertu pa la llingua.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam