Les Noticies.com. Diariu dixital. 17-05-2012
La sustitución de Cienfuegos por Carballo abre la polémica nel FICXixón
REDACCIÓN. UVIÉU - 12/01/2012 A LES 11:44:36El Festival de Cine de Xixón (FICXixón) tien director nuevu. El conceyal de Cultura del consistoriu xixonés, Carlos Rubiera, facía pública la destitución del responsable actual, José Luis Cienfuegos, y al empar daba a conocer el nome del que lu va sustituír: el cineasta Nacho Carballo.
Desque se conoció la destitución de Cienfuegos, les redes sociales yeren un fervedoriu de crítiques pola decisión del responsable de Cultura del Conceyu de Xixón. Y ye que la decisión tómase cuando’l festival cinematográficu ta a puntu de cumplir el mediu sieglu y les crítiques a la dirección del festival son mui positives. Hasta la fecha, dende'l Conceyu de Xixón nun s'esplicaron los motivos del cese de Cienfuegos, que llevaba nel cargu 16 años.
Otra manera, al pie de Carballo van trabayar Jorge Iván Argiz –vinculáu a la Selmana Negra–, que va tener el cargu de subdirector y coordinador del FICXixón; Jaime Vega, que va ser el xerente nuevu y alministrador; y Jesús Parrondo, que se va encargar de coordinar delles actividaes y los talleres que se programen nos centros municipales.
Na so comparecencia, Carballo manifestó que nun van romper «col estilu independiente y alternativu del festival, sinón que lu vamos potenciar y abrilu a secciones y temátiques nueves». El responsable nuevu del FICXixón aseguró qu'al traviés d'esti festival va haber la máxima de «potenciar Asturies». «En Sitges nun s'avergüencen por celebrar el Día de Cataluña y, anque nos llamen aldeanos, quiero más eso y que me critiquen por poner la montera picona y trabayar pola mio tierra a que sigan riéndose y dándonos llecciones de moral», declaró Carballo, al tiempu qu'anunciaba la creación de la I Gala d'Asturies na 50 edición del FICXixón.
Pela so parte, y según recueye'l diariu El País, José Luis Cienfuegos nun va facer nengún tipu de declaración y va convocar una rueda de prensa nos próximos díes na que va presentar el balance de cifres de la so xestión.
Comentarios fechos (12)
un 13/01/2012 a les 09:50:51
A tolos qu'echen la llingua a pacer. Coses feches pol asturiano nel Festival de Cine nestos últimos años? Pos mira, asina de pronto: Establecer un Día d'Asturies (con nome y dellos curtiometraxes n'asturiano) dende l'añu qu'entra Cienfuegos, el 1995; publicar el catálogu del Festival trillingüe (Asturiano-Español-Inglés) polo menos dende 2006; establecer los nomes de les secciones (Esbilla, Llendes, Rellumes) n'asturiano; cambiar el nome pol que se conoz internacionalmente'l festival a ún más respetuosu cola toponimia tradicional (FICXixón); crear na última edición una sección sólo pal cine asturianu (Esbilla asturiana)...
Podía ser más, ta claro. Pero vamos comparalo colo que ta faciendo'l FAC en Xixón pol asturiano: Eliminar el logotipu de Xixón pa qu'en toles partes apareza solo Gijón; conseguir que Carlos Rubiera pase a expresase siempre n'español (o casi siempre, que pa les coses del bable tovía usa l'asturiano); cambiar dellos anunciadores de los buses pa que pongan Cerillero en cuenta El Cerilleru (o si non mirái n'Avenida Schulz). Ah, si, escaecíalo! Pero colocó a tres o cuatro amiguinos de la corripa bablista. Yá podemos tar contentos y rindi-y pleitesía a Moriyón!
Cazaretu 12/01/2012 a les 23:36:17
Mentres nun sea como la carrera lliteraria tuya, podemos alendar tranquilos.
El Richi 12/01/2012 a les 20:18:38
Malumalísimu, tu non te enteres. Qué tien que facer pol asturiano. Que ye que non sabes lo que sinifica la x de FICX. Cómo se llamaba enantes? Que tin que ver la montera, les gafes y la madre que lo parió. Quién dixo quel asturianu nun val...No ye esi el tema. La custión ye que malamente vamos puxar polo nueso con traces déstes, propies de Jesus Gil. LEl doberman, la doctora y el cantante van dexalo too pa prau.
xuan carlos crespos 12/01/2012 a les 16:45:41
a malomalísimu.
Contéstote yo soi d´Asturies, considérome asturianista pero nun entiendo que tien que ver eso con una visión del pasáu, respetable pero del pasáu, de monteres picones. Echa un güeyu a Asturies. Ye básicamente urbana, moderna( conuna montonera problemes pero moderna)y que tenía un festival de cine que yera el 12 d´Europa en nuúmberu d´espectadores y de reconocíu prestixu. Mia ver al to rodiu cuantes coses hai n´Asturies similares. Otro entruga que demuestra que nun ties ni idea del festival ye respective al so apegu polo asturianu. Póngote de memoria una refila de grupos d´asturies que tocaron nel festiva: manta ray, nacho vegas, mus , nosotrash, penelope trip, australian blonde, undeshaker, kassmir, detritus x heartbeats,eliminator junior, mockinbirds,etcetera. Eso sólo en música. En cine dedicó ´´un de los díes( haber si pensamos qu´esto ye la de dios y que´l problema ye nun tener ónde poner les películes) de los ocho que normalmente dura´l festival a Asturies(LLARGOS, CORTOS, CHARLES, EXPOSICIONES). Eso ye lo que deberíes saber que Xixón va perder, eso ye lo que deberíes conocer enantes d´echar la llingua a pacer. Agora estés o non d´alcuerdo verás el porque en menos d´un día esti paisanu recoye miles y miles de adhesiones de tolos llaos ya ideoloxíes. Eso ye porque´el diariu El país hoi dedica una páxina a la ignonimía de Rubiera.Asina va Asturies!
malumalisimu 12/01/2012 a les 16:06:18
A tolos que van d'asturianistes progres pel mundu y que ponen el gritu nel cielu defendiendo a Cienfuegos, prestaríame entrugá-ys qué ye lo que fizo'l modernu esti pol asturianu en 16 años al frente del festival, como pa qu'agora garren les llances y lu tean defendiendo a muerte...
Caro, ye que la montera picona ye menos cool que la gafa de pasta y entós l'asturianu nun val pa un cine pa intelixentes como dixo Nacho Carballo. Ye verdá que Cienfuegos, n'otres estayes fíxolo bien y nun tuvo metíu en negún escándalu de perres, pero parezme qu'eso ye lo que tien que facer, sólu faltaba, hom. En cuantes a Nacho Carballo, nun pueo decir na porque inda nun séi que ye lo que va facer, pero parezme que colgalu anantes de xulgalu, nun ye de ser xente con xacíu. Agora, depués de decir estes coses, yá me podeis queimar a mi tamién. "Requiescat in Pace"
Lesnoticies.com - La sustitución de Cienfuegos por Carballo abre la polémica nel FICXixón
José Luis Cienfuegos, ex-director del FICXixón
11/05/2012 - La Xunta de Toponimia acepta «Guimarán»
25/04/2012 - L’Asociación d’Escritores d’Asturies nun contempla l’asturianu nos XIII Premios de la Crítica
12/05/2012 - Asturies arrasa A Baixa lisboeta
26/04/2012 - Carlos Suari vuelve'l Premiu de la Crítica 2009 pola decisión de retirar les categoríes n'asturianu
14/05/2012 - LESNOTICIES.COM ufierta una galería colos meyores momentos del Festival de la Mázcara Ibérica
Esta web cuenta con una subvención de la Conseyería de Cultura y Deporte del Principáu d'Asturies
© Diariu LES NOTICIES y PUBLICACIONES ÁMBITU
Cai San Xuan 5, 3u derecha - 33003 - Uviéu
Tel. 985 204 601 - Fax. 985 221 537
Avisu Llegal -
Creitos -
Móvil
