Les Noticies.com. Diariu dixital. 12-03-2010
L'Estáu español ye'l «nuevu hermanu probe», según «The Economist»
Fecha: 28/11/2009 a les 10:00:00L'Estáu español ye'l «nuevu enfermu européu» –espresión cola que se describe tradicionalmente a los países más probes del continente–, porque afronta problemes económicos insostenibles, según publica la revista The Economist nel so últimu númberu, onde analiza por menudo l'actual situación económica española.
La publicación considera que nengún otru país européu sufrió con tanta severidá la crisis económica del últimu añu y que la muestra más clara ye que la tasa de paru nel Estáu español algamó'l 19%, la segunda más alta de la UE depués de Letonia. Anque reconoz que la contracción de la economía española nun ye peor que la de la británica y que la so caída al empiezu de la crisis foi menor que la de la media europea, conclúi con que l'Estáu español foi'l que recibió la verdiascaza más fuerte.
Estos datos espeyen, según The Economist, «una resaca estructural nun país que s'emborrachó a base de lladriyos y cementu enantes d'esplotar la burbuya inmobiliaria nel 2007». La revista destaca que l'Estáu español llegó a la recesión nuna posición debilitada. «A midida qu'otros recuperen adulces, España va necesitar más tiempu y procuru. Inclusive los más optimistes retrasen les espectatives d'una recuperación total hasta'l 2011».
25/02/2010 - Entámense concentraciones contra los despidos na RTPA y nos medios de comunicación asturianos
22/02/2010 - El Gobiernu asturianu «va poner l'acentu» nel empléu femenín
23/02/2010 - Heweltt Packard espera algamar los 300 empleos n'Asturies en dos años y crear un centru SAP d'ámbitu internacional
24/02/2010 - Los complementos retributivos a los homes espliquen la resquiebra salarial ente sexos
18/02/2010 - CC OO y UXT convoquen una manifestación contra la reforma del sistema de pensiones
RSS Lesnoticies.com
Apúntate en Facebook
Semeyes en Flickr
