Sociedá

L'Auditoriu d'Uviéu acueye una xornada sobre los «Bonos tratos nes rellaciones interpersonales»

07/02/2010 a les 08:00:00

Milenta Muyeres y Moces, AccionEnred y el Conseyu de la Mocedá d'Asturies, cola financiación de la Conseyería de Salú, entamen el 27 de febreru la xornada Bonos tratos nes rellaciones interpersonales. L'actividá va facese nel Auditoriu Prínicipe Felipe d'Uviéu n'horariu de mañana y tarde y la soscripción ye de baldre.



Na xornada va tratase'l problema de la violencia de xéneru nes pareyes más moces, el control y la xestión de conflictos, la toma de decisiones y les peticiones escesives nes rellaciones que pueden desencadenar situaciones de violencia y maltratu que nun son percibíes como tales. La perspectiva dende la que se van tratar estos asuntos ye la de la educación y la salú.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam