Economía

L'Audiencia Nacional almite a trámite una denuncia por fraude fiscal contra la familia Botín

HÉCTOR M. PALACIO . UVIÉU - 17/06/2011 A LES 10:51:22

El xuez de la Audiencia Nacional Fernando Andreu almitió a trámite una denuncia de la Fiscalía Anticorrupción por presuntos delitos de fraude fiscal y falsedá contra'l presidente del Banco Santander, Emilio Botín; la so fía, Ana Patricia Botín, y el so hermanu, Jaime.

L'orixe de la investigación ta na filtración por parte d'ún de los sos empleaos de datos de cuentes secretes de la filial suíza del bancu HSBC, que compró'l Banco Santander l'añu pasáu. Ente les cuentes numberaes na filial d'esti bancu en Suíza había unes 3.000 de ciudadanos españoles. Ún d'ellos yera Emilio Botín Sanz de Sautuola, padre del presidente actual del Banco Santander.

La cuenta abrióse a últimos de 1936, cuando Emilio Botín emigró pol españíu de la Guerra Civil española y tuvo viviendo en Londres y en Basilea sacando una parte de la so fortuna del país. Cuando saltó la noticia de la filtración del empleáu, la familia Botín entró en contacto con Facienda pa regularizar la situación fiscal d'aquella cuenta, de la que se dicen que yá llograron regularizar 200 millones d'euros. El xuez va investigar precisamente si les regularizaciones presentaes pola familia Botín d'esos 200 millones a Facienda, pónenlos al corriente de les sos obligaciones tributaries o si pue haber responsabilidá penal.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam