Les Noticies.com. Diariu dixital. 17-05-2012
L'Arribada llega a Les Vegues con deportes y cine n'asturianu
05/10/2010 a les 10:12:37Esti martes 5 d’ochobre, a les 18.30, nel Llar de Les Vegues (Corvera), va facese la primera de les xornaes de L’Arribada nesti conceyu, dientro de la so estaya Per Asturies. Les actividaes van entamase a comuña ente l’Asociación Cultural L’Arribada y el Conceyu de Corvera. El programa va consistir nuna mesa redonda sobre Deporte y Llingua y después va facese un homenaxe a la maestra Choni Álvarez.
Los participantes na mesa redonda van ser l'escritor xixonés Vicente García Oliva y los futbolistes José Antonio Pérez Boudón, José Manuel Espinosa Gómez y Eloy José Olaya Prendes, amás d'Humberto Gonzali, coordinador de L'Arribada. Los asistentes a esti actu van recibir un exemplar d'El pallabreru del fútbol qu'editara la Oficina Municipal de la Llingua de Xixón.
El xueves 7 d’ochobre, a les 18.30, va realizase la segunda xornada de L’Arribada en Corvera, na que se va proyectase’l primer llargumetraxe dobláu al asturianu, el clásicu de George A. Romero La nueche de los muertos vivientes.
Comentarios fechos (2)
"finxu cimeru" 07/10/2010 a les 16:10:30
Yo nun sé lo que ye eso de los «finxos cimeros» y a lo meyor son unos «vendios» (ensín tilde) o non, pero parezme que na edición en papel de LES NOTICIES d'hai trés selmanes sacaren un reportaxe onde falaben de «La Nueche de los Muertos vivientes».
Como siempre cagando fuera la pota, Fernan. Menos criticar y más informase, que vezu tan feu, compañeru
A cuidase artista!
Fernan 07/10/2010 a les 15:50:42
Nun poneis ná de unu de los finxos cimeros pa la llingua asturiana comu ye'l doblaxe al asturianu fechu pola productora Gonzali Producciones del primer llargumetraxe . L'autobombu que vos caracteriza nun vos dexa ver la realidá d'Asturies. Otres revistes series de tirada española dedicaron-y páxines a este trabayu y vosotros nun gorgutais. VENDIOS.
15/05/2012 - El Festival Internacional de Cine dexa d'usar la forma «Xixón» nel logotipu
26/04/2012 - La Vuelta Ciclista a Asturies va usar la toponimia oficial
30/04/2012 - «Tenemos el retu de convencer a la sociedá de que l'asturianu paga la pena»
03/05/2012 - La XDLA llama a manifestase esti vienres 4 de mayu, Día de les Lletres Asturianes
19/04/2012 - La XDLLA convoca pal 4 de mayu la manifestación pola oficialidá
Esta web cuenta con una subvención de la Conseyería de Cultura y Deporte del Principáu d'Asturies
© Diariu LES NOTICIES y PUBLICACIONES ÁMBITU
Cai San Xuan 5, 3u derecha - 33003 - Uviéu
Tel. 985 204 601 - Fax. 985 221 537
Avisu Llegal -
Creitos -
Móvil
