Les Noticies.com. Diariu dixital. 08-02-2012
L'Asociación Cultural l'Arribada acaba de convocar el IV Premiu Timón p'autores n'asturianu y en gallego-asturianu. Como novedá, nesta ocasión ábrese una categoría pa la xente qu'escribe en castellanu, col oxetivu de «reconocer trayectories lliteraries de valor especial». El plazu pa presentar les candidatures empieza esti 16 d'avientu y va tar abiertu hasta'l 1 de mayu del 2010. Les candidatures pueden proponese por una persona o por un colectivu nel corréu electrónicu larribada@gmail.com.
Nesta edición, opten a los gallardones los escritores que nacieren nel añu 1960 o enantes. La distinción que se va dar a quien gane en cada candidatura ye una obra del escultor y ceramista xixonés Jesús Castañón, que se va entregar na celebración de L'Arribada 2010. Yá ganaron esti premiu Nené Losada Rico, nel 2007, Xuan Xosé Sánchez Vicente, nel 2008, y Manuel García Galano, nesta última edición.

12/01/2012 - La sustitución de Cienfuegos por Carballo abre la polémica nel FICXixón
19/01/2012 - Nacho Carballo: «L’asturianu va tener el so espaciu nel Festival»
25/01/2012 - L'asturianu estrénase nel formatu del llibru dixital
04/02/2012 - «Fáltanos muncho pa da-y un matiz de normalidá a la música tradicional»
19/01/2012 - LESNOTICIES.com ufierta'l tema principal del documental de Melania Fraga «Eu soi quen fun»