Sociedá

L'Arcu la Vieya y Picu Rabicu entamen un cursu sobre comerciu xustu y soberanía alimentaria

20/02/2010 a les 10:06:01

La práctica del Comerciu Xustu dende la perspectiva de la Soberanía Alimentaria ye'l nome del cursu qu'entamen les tiendes de comerciu xustu d'Uviéu y Xixón, L'Arcu la Vieya y Picu Rabicu, respectivamente. L'actividá va facese ente'l 26 y el 27 de febreru nel salón d'actos de la Biblioteca Pública Xovellanos de Xixón. P'asistir al cursu hai que s'apuntar primero del 22 de febreru nel corréu rabicu@nodo50.org. Les places son limitaes y la participación ye de baldre.





El cursu va desenvolvese a base de talleres dirixíos por especialistes nel comerciu xustu y la soberanía alimentaria. Asina, Marta G. Rivera va falar sobre los modelos de producción alimentaria; Jordi Gascón, de la cooperación internacional; y Xavier Montagut, de la soberanía alimentaria y el comerciu xustu como preseos políticos. Amás, el sábadu 27, pela tarde, hai una sesión abierta na que se va proyectar el documental De la mata a la olla (Nicaragua-España 2009) y va facese un debate con representantes de Picu Rabicu, L'Arcu la Vieya y la Xarxa de Consumu Solidari. El cursu clausúrase con una preba de productos de comerciu xustu.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam