Les Noticies.com. Diariu dixital. 17-05-2012
L'Asociación de Pas y Mas de Tremañes pide a Educación que permita l'asturianu n'Infantil
REDACCIÓN. UVIÉU - 06/07/2011 A LES 12:59:07Según señala l'Asociación de Mas y Pas de la escuela de Tremañes (Xixón), el cuadru de personal anunciáu pola Conseyería pal cursu 2011-2012 contempla namás un maestru p’atender la escolarización d’asturianu en tres escueles: Tremañes, Xove y Honesto Batalón. Por eso, denuncien que, de facese realidá esto, los escolinos d'Infantil de Tremañes nun van poder exercer «el so drechu estatutariu» a cursar la materia.
La escuela de Tremañes impartió l'asignatura d'asturianu nel Segundu Ciclu d’Educación Infantil dende’l cursu 2002-2003. Nos cursos 2008-2009 y 2009-2010, la escuela caltuvo esta asignatura namás en Primaria, «porque la Conseyería nun reconoció horariu abondu pa que’l maestru la impartiera tamién n’Infantil», mentes que nel cursu 2009-2010 la escuela volvió a impartir l'asignatura en toles estayes, pa lo que contó con una maestra que compartía l'horariu de trabayu col CEIP de Xove.
Pa l'asociación, la Conseyería sabe perbién que la escolarización d'asturianu en tola ufierta educativa figura nos sos documentos oficiales y cuenta col sofitu de tolos órganos de gobiernu. «Esta escolarización contó siempre col apoyu de la comunidá educativa y de les families, como muestra’l fechu de que cuasi’l 100% del escolináu d’Educación Infantil curse davezu esta materia», señalen.
Por eso, opinen que los cambios previstos nel personal pal cursu que vien queden fuera’l marcu llegal y recuerden que la sentencia d’avientu del 2009 del Tribunal Superior de Xusticia d’Asturies reconoz que les enseñances d'asturianu tán recoyíes nel currículu del Segundu Ciclu d’Educación Infantil, «polo que la Conseyería d’Educación tien que garantizar profesoráu abondu pa impartir asturianu n’Educación Infantil».
15/05/2012 - El Festival Internacional de Cine dexa d'usar la forma «Xixón» nel logotipu
26/04/2012 - La Vuelta Ciclista a Asturies va usar la toponimia oficial
30/04/2012 - «Tenemos el retu de convencer a la sociedá de que l'asturianu paga la pena»
03/05/2012 - La XDLA llama a manifestase esti vienres 4 de mayu, Día de les Lletres Asturianes
19/04/2012 - La XDLLA convoca pal 4 de mayu la manifestación pola oficialidá
Esta web cuenta con una subvención de la Conseyería de Cultura y Deporte del Principáu d'Asturies
© Diariu LES NOTICIES y PUBLICACIONES ÁMBITU
Cai San Xuan 5, 3u derecha - 33003 - Uviéu
Tel. 985 204 601 - Fax. 985 221 537
Avisu Llegal -
Creitos -
Móvil
