Les Noticies.com. Diariu dixital. 09-09-2010
Joan Laporta estrena la so web personal
Fecha: 01/03/2010 a les 20:09:54El presidente del FC Barcelona, Joan Laporta, presentó’l llunes 1 de marzu la so web personal, lo que munchos interpreten como un primer pasu nel so posible oxetivu de llegar a la presidencia de la Generalitat de Catalunya. Na web, Laporta acaba’l so mensaxe con un «Visca Catalunya Lliure».
Joan Laporta tuvo conversaciones con Reagrupament depués de la negativa d’ERC y CiU a incorporalu a les sos llistes, y inda nun desveló si piensa presentase a les elecciones autonómiques que se van celebrar anguaño en Cataluña.
«Voi siguir dedicando los meyores años de la mio vida al país qu’amo», diz el presidente del Barça na web, que ta encabezada pol eslogan Agora ye momentu de sirvir al país.
Nel primer artículu de la páxina, que se titula «En primer persona», asegura que pa él ésti ye «un proyectu compartíu y de nenguna manera personal, anque munchos lu quieran vender asina». La so idea ye publicar los sos pensamientos políticos n’Internet al tiempu que da voz a los sos llectores, que tamién van poder opinar. Asegura que la páxina va respetar a toles persones y instituciones, pero «ensin renunciar a llevantar la voz cuando s’ataquen los derechos y llibertaes de Cataluña».
«Los censores y l’aparatu mediáticu», diz, «nun van poder esta vez tracamundiar nin inorar les nuestres opiniones nin los oxetivos que compartimos», diz pa ciarrar el so primer mensaxe, que completa con un videu de presentación sobre les posibilidaes de comunicación que permite Internet. La web tien, amás d’artículos del presidente del Barça, la so axenda, noticies sobre les sos actividaes, un espaciu pa vídeos y enllaces coles redes sociales Facebook y Twitter.
06/09/2010 - Roberto Colunga pide qu’Asturies intervenga pa protexer el xacimientu de Lancia
04/09/2010 - El Partíu Radical d'Emma Bonino pide la creación de los Estaos Uníos d'Europa
05/09/2010 - ETA anuncia un altu'l fueu
27/08/2010 - L’Autovía del Cantábricu sálvase del plan d’axuste, pero Blanco nun da feches
31/08/2010 - El Conceyu d'Uviéu paraliza les obres d'accesu al HUCA
RSS Lesnoticies.com
Apúntate en Facebook
Semeyes en Flickr
