Asturies

Javier Fernández y Hugo Morán, na executiva nueva de Rubalcaba

REDACCIÓN . UVIÉU - 05/02/2012 A LES 23:30:07

El 38 Congresu del Partíu Socialista Obreru Español escoyó en Sevilla al candidatu Alfredo Pérez Rubalcaba como Secretariu Xeneral nuevu por un marxe bien pequeñu. Asturies gana pesu na executiva nueva, na que repite Hugo Morán (que sigue como responsable de la Secretaría d'Ordenación del Territoriu y Sostenibilidá) y entra Javier Fernández, que va dirixir el Conseyu Territorial del PSOE en sustitución del ex-presidente de Castiella-La Mancha, José Ángel Barreda.

La Federación Socialista Asturiana foi clara dende un primer momentu nel so sofitu mayoritariu a la candidatura de Rubalcaba, que visitó Asturies como primer parada del so percorríu per España buscando l'apoyu de los delegaos. Javier Fernandez ye anguaño Secretariu Xeneral de los socialistes asturianos y foi candidatu pol PSOE nes elecciones de mayu de 2011 a Presidente del Gobiernu d'Asturies, condición que va repetir pal procesu electoral viniente del 25 de marzu. Hugo Morán foi bien d'años alcalde de L.lena y algamó tamién responsabilidaes como director xeneral de la Oficina de rellaciones cola Xunta Xeneral nel Executivu d'Areces, ente 2007 y 2008. Na lexislatura pasada, foi diputáu por Asturies nes Cortes Xenerales.

Nel 38 Congresu del PSOE los dos candidatos, Rubalcaba y Chacón, refiriéronse a que la remontada na recuperación del poder políticu del partíu diba dase nes prósimes elecciones d'Asturies y Andalucía.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam