Les Noticies.com. Diariu dixital. 17-05-2012
Javier Fernández: «La derecha vuelve a demostrar que nun ye quién a gobernar»
IVÁN G. FERNÁNDEZ. UVIÉU - 31/01/2012 A LES 10:05:59El secretariu xeneral de la FSA-PSOE, Javier Fernández, valoró l'anunciu del presidente del Gobiernu asturianu, Francisco Álvarez-Cascos, de disolver la Xunta Xeneral y convocar elecciones: «Ye la constatación más evidente y dramática del fracasu de la derecha n'Asturies».
El líder de los socialistes asturianos criticó tanto al Gobiernu como al PP, que quixeron más «someter a la comunidá autónoma a unes elecciones enantes que ponese d'alcuerdu». Nesi contestu de crítica, Fernández recordó qu'Asturies tien más 90.000 paraos y «tien una necesidá evidente de ser gobernada». Amás, atacó al equipu d'Alvárez-Cascos al asegurar qu’agora «nun va haber Gobiernu, como nun lu hubo toos estos meses. Y too esto con un costu económicu que supón unes elecciones y nesti momentu que teníemos que tar pensando na ciudadanía».
Otra manera, el secretariu xeneral de la FSA- PSOE mandó un mensaxe a los asturianos: que tomaren nota «de cómo la derecha nun ye quién a gobernar Asturies», al tiempu que pidió a la ciudadanía que mirara los programes electorales del PP y Foru, no fiscal, educativo y sanitario «porque son lo mesmo, tienen la mesma visión y, sicasí, nun son quién, disponiendo de 26 diputaos,a ponese d’alcuerdu y gobernar nuna situación tan dramática como ésta».
Comentarios fechos (6)
L.lena 02/02/2012 a les 18:38:13
Y lo pior ye que munchos van siguir votando anti-Asturies. Al cosmopaletu del PSOE, al españolismu del PP y la so escisión FAC, estos encima son unos inútiles demostraos, o al timu de IU. Hai que votar asturianismu o abstenese pero nunca sofitar l'españolismu que tratanos de paletos o cenciellamente ignoranos o considera la nuesa cultura una especie de madreña palos díes de fiesta.
Llorián 02/02/2012 a les 01:17:39
Como diz Carllos, les elecciones anticipaes son una amuesa clara de la incompetencia de los políticos asturianos que anguano dirixen los partíos principales, lloñe de dase por enteraos y baxase del chalanu a tiempu, siguen "erre que erre" agarraos al mástil más altu como si d'un veleru bergantín se tratase. Todo por el puestín dichosu.
Un exemplu ye Jesús Iglesias, que declaraciones más chocantes les del señor Iglesias diciendo que ye una persona que suel terminar les coses qu'entama como dandose de persona íntegra y dando a entender que ye un gran favor el que-y fae al so partíu y a los asturianos volviendo a presentase, anda Iglesias...pieslla la puerta al salir.
Carllos 01/02/2012 a les 19:17:11
Estu ye curiosu. Nel parlamentin hai 45 diputaos...Los asturianos ya dimos la nuesa opinión en mayu y agora pola so incompetencia pidennos que tornemos a votar. Estu ye la evidencia del fracasu de los politicos asturianos y los sos partíos. Barrelos del mapa y trayer xente nuevo y colar de toos ellos. Que dexen pasu a nueves idees, a nueva xente, a partíos nuevos y que colen pa la so casa y que nos dexen en paz.
fred 31/01/2012 a les 18:13:43
N'Asturies el gobiernu de la nomada izquierda, IU y PSOE, foi una ruina. Nun supieron xestionar la desindustrialización y el fin de la minería, y del campu pa qué falar, y dexaronnos un país avieyáu y arruináu, totalmente dependiente de pensiones y aúdes foriates. La drecha fixolo pior tovía viendo esti patéticu gobiernín de Cascos o la ruina de Marqués dan ganes de ponese a llorar. Tantu la drecha, nel casu de Foru Cascos casi ultradrecha, y la mal nomada izquierda son n'Asturies dos bandes de caciples qu'arramplen con tou lo que pueden, coloquen a los amiguinos, especulen y desfaen el país tou lo que pueden. Ye una vergüeña que los asturianos los dexemos facelo ensin pone-yos nin un pilancu. Por too esto ye pernecesario la presencia de fuercies asturianistes nel panorama políticu astur. Oxalá eses fuercies asturianistes seyan capaces d'algamar unidá y unos cabezaleros dignos de la llabor que tienen per delantre.
Nuberu 31/01/2012 a les 18:00:53
Yo camentaba que ser d´izquierdes yera defender los derechos de les persones y la sociedá,tamien los derechos culturales ente otres coses.Pero pa vergoña de nós,pa Javier Fernandez y su PSOE defender la cultura y llingua d´Asturies ye de paletos segun dicen ellos...prefiero ser paletu que non un cinicu que d´izquierdes solu-yos queda´l nome.
Lesnoticies.com - Javier Fernández: «La derecha vuelve a demostrar que nun ye quién a gobernar»
Javier Fernández nuna xunta con Álvarez-Cascos.
04/05/2012 - 2.000 persones piden nes cais d'Uviéu la oficialidá del asturianu
07/05/2012 - Naz el procesu «Compromisu» de la mano de la fusión de Bloque por Asturies y UNA
08/05/2012 - Herbamora presenta'l 9 de mayu n'Uviéu'l so proyectu musical nuevu
20/04/2012 - IX quier que'l PSOE se comprometa a instaurar la circunscripción única
15/05/2012 - Compromisu constitúise nel Nalón
Esta web cuenta con una subvención de la Conseyería de Cultura y Deporte del Principáu d'Asturies
© Diariu LES NOTICIES y PUBLICACIONES ÁMBITU
Cai San Xuan 5, 3u derecha - 33003 - Uviéu
Tel. 985 204 601 - Fax. 985 221 537
Avisu Llegal -
Creitos -
Móvil
