Asturies

Javier Fernández asegura que la prioridá del so Gobiernu va ser l'empléu

06/09/2010 a les 11:29:18

El secretariu xeneral de la FSA-PSOE, Javier Fernández, volvió a repetir que taba dispuestu a encabezar la candidatura socialista a les elecciones autonómiques del añu 2011. Al empar, adelantó que'l so proyectu de gobiernu p'Asturies va tener ente les sos prioridaes l'empléu.

Estes declaraciones fíxoles nel trescursu de la xunta estraordinaria del Comité Autonómicu de la FSA-PSOE, que se celebró en Xixón la fin de selmana pasada. Amás, Fernández aseguró que «queremos que cada asturianu pueda socializase teniendo posibilidaes tolos que formen parte de la nuestra fuerza llaboral de tener un empléu dignu. Per ehí vamos trabayar esencialmente y sabemos toles dificultaes qu'existen pa llevalo alantre».

Otra manera, el futuru candidatu socialista a la presidencia del país manifestó que nesti contextu de crisis económica «somos conscientes de que nun hai soluciones máxiques, pero somos más competentes y fiables que'l PP».

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam