Llingua

Javier Cayado Valdés ye'l ganador del certame «Declara'l to amor pola Llingua»

22/02/2010 a les 15:02:51

El concursu lliterariu Declara'l to amor pola Llingua, entamáu pola Xunta pola Defensa de la Llingua Asturiana (XDLA) y la Xunta Moza, yá tien ganador: Javier Cayado Valdés ganó'l primer premiu d'esti certame convocáu por cuenta de la celebración del Día de la Llingua Materna'l 21 de febreru pasáu. La obra ganadora va tar espuesta nel chigre La Casa Posafuelles (na cai La Cuesta la Vega 10 d'Uviéu).

Con esta iniciativa, la XDLA y la Xunta Moza quixeron facer del 21 de febreru una fiesta: «Como si se tratara d’un cumpleaños onde lo único que tenemos que facer ye festexar la llegada d’otru añu, otru añu más que-y ganamos al quedar mudos y al quedar colos pantalones baxaos delantre la xente que nun-y tien apreciu a la nuestra llingua y, pa enriba, tira piedres contra’l so teyáu al nun aceptar la so oficialidá, una de les poques ferramientes que nos pue asegurar la vida d’esti idioma».

El testu ganador ye esti:

Amor pola llingua

Crecisti camudando de viaxeros
respirada nos picos y na mina.
Vivisti pelos mares y pel aire,
gayaspera, a vegaes casi guardada.
Morristi cuando nun te fale naide
antós nun te veremos enterrada.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam