Asturies

Iglesias: «La convocatoria d'elecciones muestra'l fracasu de la derecha asturiana»

REDACCIÓN. UVIÉU - 30/01/2012 A LES 19:59:32

Jesús Iglesias, coordinador xeneral y portavoz parllamentariu de IX, considera que la convocatoria d'elecciones anticipaes ye la demostración del fracasu «del proyectu personal del presidente de Foru Asturies, pero tamién ye la demostración del fracasu de la derecha asturiana». Asturies, a xuiciu del coordinador xeneral d'IX, convirtióse «nuna escepcionalidá política con una derecha incapaz a llegar a alcuerdos».

Iglesias afirmó que los asturianos van tener que volver a les urnes depués de seis meses de Gobiernu de Cascos, «polo que queda claro que nin el Gobiernu trabayó a tres turnos nin foi capaz a algamar alcuerdu nengún». Por eso, dixo que les elecciones anticipaes son la única vía pa salir «de la cai ensin salida onde Cascos s'alcontraba y situó a Asturies».

El númberu un d'IX señaló que la situación ye incomprensible ,«porque Foru y PP comparten polítiques d'axuste y namás se pue interpretar esti absurdu dende les lluches intestines de poder de la derecha que forciaron tres pulsos electorales en poco más de seis meses». Por too ello, Jesús Iglesias sostién que nes elecciones próximes, «toos vamos poder exercer el votu a sabiendes de lo qué representa Francisco Álvarez-Cascos».

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam