Les Noticies.com. Diariu dixital. 12-03-2010
La Guardia Civil multa a un camioneru por poner n’eusquera les feches del tacógrafu
Fecha: 02/02/2010 a les 12:30:00Hiru, sindicatu de tresportistes vascos, denunció ayer que’l 15 de setiembre del 2009 la Guardia Civil de Xaén punxo una multa’l de 4.601 euros a un asociáu del sindicatu por escribir n’eusquera les feches nos discos del tacógrafu del so camión.
Según el sindicatu, el tresportista presentó los discos a la benemérita, nos qu’aparecía correctamente escrita la fecha, pero col orde que se fai n’eusquera (añu/mes/día), igual que se fai n’inglés.
La Guardia Civil declaró qu’apuntar la fecha d’esa manera «ye una falsificación de fueyes de rexistru». Nesi sentíu, el tresportista recurrió la multa esplicando que les feches marcaes nel tacógrafu son correctes y que l’orde en que se consigna la fecha correspuende al idioma nel qu’él s’espresa.
Otra manera, la Conseyería d’Obres Públiques y Tresportes de la Xunta d’Andalucia avaló’l 15 de xineru la denuncia fecha pola Guardia Civil. El sindicatu Hiru, cree que la sanción nun tien xustificación nenguna y supón «una indefensión absoluta a tolos tresportistes estranxeros que circulen peles carreteres andaluces».
Comentarios fechos (4)
Laicon Fecha: 02/02/2010 a les 23:13:56
Esta noticia parez más propia del 28 de payares... Yá nun soportaba a los picoletos, después d'esto le ronca'l mangu!! Ah Pirayon, ¿qué yes expertu en tacografos o andes muncho pela acadamia del tresporte andaluz? Pa mi que lleves tricorniu...
odn Fecha: 02/02/2010 a les 19:11:39
que yo sepa, la Guardia civil nun ye solo vasca, asique como diz l'otru.... a jodesd que espabilaos ailos por tolos llaos. Saludos
Puskas Fecha: 02/02/2010 a les 16:57:14
Yá se sabe: col tacógrafu nun se xuega, amigos!
pirayón Fecha: 02/02/2010 a les 16:42:38
Nun digo que me pareza bien que-y pongan una multa d'esti tamañu, pero la llei ye la llei. Si modifiques el tacógrafu (da igual pa qué) t'arriesgues a que te multen y eso ye lo que-y pasó a esti camioneru. ¿Ye una tontería? Sí. ¿Ye una putada? Sí ¿La multa axústase a la llei? Pues mira: SÍ. Ta guapo falar y escribir na to llingua, pero colos tacógrafos nun se xuega.
08/03/2010 - El Bloque por Asturies «llamenta’l despreciu» de la cantante Diana Navarro pa cola llingua asturiana
19/02/2010 - L.l de L.lena
08/03/2010 - El TC refuga la cuestión d'inconstitucionalidá presentada contra la Llei d'Usu
23/02/2010 - La XDLA entama una campaña pa pidir más asturianu na RTPA
05/03/2010 - La llingua asturiana tuvo presente na XIV edición de los Premios de la Música
RSS Lesnoticies.com
Apúntate en Facebook
Semeyes en Flickr
