Economía

El Gobiernu de Rajoy va aprobar les primeres midíes de recortes

REDACCIÓN. UVIÉU - 30/12/2011 A LES 11:11:35

El Conseyu de ministros del Gobiernu de Rajoy cuenta aprobar esti vienres 30 d'avientu y con carácter d'urxencia les primeres midíes de recortes presupuestarios. Ente elles tán la conxelación del salariu de los funcionarios y del salariu mínimu –queda en 641 euros–, amás de la conxelación de la contratación de funcionarios nuevos –nun siendo les fuercies de seguridá–. Asina, l'Executivu central quier amenorgar el déficit públicu en 16.500 millones.

Toes estes midíes, que s'espera que s'empiecen aplicar nel mes de marzu, yá les anunció'l presidente español nel debate d'investidura y busquen cumplir la consolidación fiscal pactada con Bruseles. Otra manera, tamién van aprobar una medría de les pensiones, que s'espera que sía namás d'un 1%, y el segundu grupu d'altos cargos.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam