Les Noticies.com. Diariu dixital. 17-05-2012
Gaspar Llamazares: «Voi usar l'asturianu nel Congresu col fin de facelo visible»
DAMIÁN BARREIRO . UVIÉU - 20/01/2012 A LES 12:51:43Gaspar Llamazares, que nes elecciones xenerales del 20 de payares dobló’l porcentaxe de votos d’IX en comparanza col 2008, esplica nesta entrevista les midíes que va llevar alantre en Madrid pa visibilizar el conflictu llingüísticu asturianu.
Díes enantes del 20-P, aconceyó cola Academia de la Llingua (ALLA) y comprometióse a llevar al Congresu la defensa del idioma. ¿Piensa yá en plazos o iniciatives?
Nun periodu curtiu de tiempu voi volver a aconceyar cola ALLA pa ver cómo podemos concretar les primeres midíes. Por exemplu, en rellación cola especialidá del profesoráu –la primera que vamos llevar alantre–, queremos collaborar col movimientu de reivindicación llingüística pa facilitar esi reconocimientu, yá sía al traviés de la nuestra intervención nel Congresu o dialogando col Ministeriu d’Educación. Otra manera, si surde’l debate de la reforma de los reglamentos de les Cámares –que, como la reforma de la Llei Electoral, surde y escaezse cada poco–, voi proponer que se recueyan toles llingües reconocíes llegalmente, amás de les oficiales.
¿P’abrir esti debate tien pensao usar l’asturianu nel Congresu?
Sí, pero hai que ver el momentu meyor en qu’esto se pue facer. Yá sía al traviés de presentar una iniciativa sobre la mesma llingua o n’otra que tenga muncha repercusión pública y ayude a visibilizar l’idioma. Amás, nun sería la primer vez que lo utilizaría na Cámara Baxa, anque enantes fora d’una manera más simbólica y siempre pasara desapercibida.
Comentarios fechos (5)
Mara 07/02/2012 a les 12:17:00
A dalgunos nun-yos val nada. Si se fai dalgo, malo, porque ye poco y pa quedar bien; si nun se fai nada ¿Meyor? Asina nos lluz el pelo. Con defensores como estos que faen la mayoría de los comentarios ¿pa qué necesitamos detractores? Mui bien pola iniciativa, Gaspar. Pasín a pasín vase palantre. Izquierda Xunida la única colos pies en suelu y coherente.
Baltesar 23/01/2012 a les 11:45:13
Gaspar, pero si nunca te sentimos dicir una palabra n'asturiano n'Asturies, ¿cómo quies que créamos que lo que vas facer en Madrí nun ye una comedia?
Ah, espera... que como en Congresu nun se pue falar más que n'español, esto ye pa que te prohiban la intervención y asina, amás, volver a casa como'l mocín de la película, fechu un heroe de la patria. Pero ensin sacar nada real y consistente de toa esta función.
((A vosotros, en materia de llingua ¿qué especie de mandril vos asesora?))
rodrigo alzola 22/01/2012 a les 02:34:32
Toi abondo contentu que usen l'asturianu (:
saluos dende l'otru llau del charu
Xosé 21/01/2012 a les 17:17:41
Menos comedia, Llamazares, menos comedia.Primero, usailo n'Asturies; por exemplo, nel próximu debate que tengáis los de IU na Xunta Xeneral.Parezte bien?
Otra... 20/01/2012 a les 14:36:58
Que yo sepa, correxíime, onde se puen usar les lligües oficiales ye en Senáu, non nel Congresu. Si esto ye asina, qué fai falando otra llingua que nun seya la castellana, la única permitida?
Y depués, porque nun usa iu l'ast na Xunta Xeneral? Y Foro?
Nun hai nengún diputáu ente tola camaretá que son (foro-iu-psoe (qu'hai xente del psoe que diz defender la llingua) de falalo sacante del Conseyeru Cultura?
Porque'l Conseyeru Cultura sólo fala asturianu col temes cincantes a la llingua? Qué ye que nun val pa falar otros temes? Qué ye por respetu a los demás por si nun lo entienden? Y los demás porque nun respeten al que fala asturianu y se dexen de tanta discriminación llingüística?
Lesnoticies.com - Gaspar Llamazares: «Voi usar l'asturianu nel Congresu col fin de facelo visible»
Gaspar Llamazares, diputáu d'IX nel Congresu.
04/05/2012 - 2.000 persones piden nes cais d'Uviéu la oficialidá del asturianu
07/05/2012 - Naz el procesu «Compromisu» de la mano de la fusión de Bloque por Asturies y UNA
08/05/2012 - Herbamora presenta'l 9 de mayu n'Uviéu'l so proyectu musical nuevu
20/04/2012 - IX quier que'l PSOE se comprometa a instaurar la circunscripción única
15/05/2012 - Compromisu constitúise nel Nalón
Esta web cuenta con una subvención de la Conseyería de Cultura y Deporte del Principáu d'Asturies
© Diariu LES NOTICIES y PUBLICACIONES ÁMBITU
Cai San Xuan 5, 3u derecha - 33003 - Uviéu
Tel. 985 204 601 - Fax. 985 221 537
Avisu Llegal -
Creitos -
Móvil
