Economía

La Fundación Valdés Salas acoyó una conferencia del Presidente de la Comisión de Valores

12/03/2010 a les 13:17:58

La Universidá d’Uviéu, al través de la Fundación Valdés Salas, acoyó esti vienres 12 de marzu la conferencia del presidente de la Comisión Nacional del Mercáu de Valores (CNMV), l’economista Julio Segura. La conferencia inaugural, col títulu «La crisis financiera: la visión d’un supervisor financieru», desenvolvióse énte un públicu numberosísimu nel Paraninfu del edificiu Históricu de la Universidá.

L’actu contó cola participación del presidente de la fundación, l’economista de Salas Juan Velarde; el vicepresidente, Joaquín Lorences; l’alcalde de Salas, José Manuel Menéndez; el conseyeru d’Economía y Facienda, Jaime Rabanal; y Vicente Gotor, rector de la Universidá d’Uviéu.

L’oxetivu de la Fundación ye dar soporte económicu al Aula Valdés Salas, que s’inauguró en Salas el 12 d’avientu del 2008 nel IV Centenariu de la Universidá.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam