Actualidá

El Frente Polisariu esixe a Bruseles que detenga la pesca de la flota comunitaria n'agua saharaui

06/03/2010 a les 10:08:49

El Frente Polisariu esixe a la Comisión Europea que detenga la pesca de la flota comunal n'agua del Sáhara occidental, y acúsala de calar na zona amparándose nun alcuerdu pesqueru que la Unión Europea caltién con Marruecos y que consideren illegal, coincidiendo col conceyu UE-Marruecos que se celebra’l domingu 7 de marzu en Granada.

Los servicios xurídicos del Parllamentu Européu almitieron la selmana pasada que nun queda claro si l'alcuerdu pesqueru cumple les normes internacionales porque nun consideren que s’acreíte que la población local del Sáhara occidental tea beneficiándose de les compensaciones económiques que Rabat recibe de la UE a cambiu de derechos de captura nes sos costes.

El ministru pa Europa del Frente Polisariu, Mohamed Sidati, mandó esti vienres una carta a la comisaria nueva de Pesca, Maria Damanaki, na qu'encamienta al Executivu comunitariu a «intervenir yá pa evitar más actividaes pesqueres de los barcos de la UE nes costes del Sáhara occidental».

«A la población saharaui nunca lo consultaron nin recibió nengún beneficiu pola esplotación de les sos costes, riques en recursos pesqueros», según critica'l Frente Polisariu.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam