Cultura

«Folías», de Factoría Norte, Meyor Espectáculu de los Premios OH!

REDACCIÓN. UVIÉU - 06/02/2012 A LES 11:18:17

El Teatru Xovellanos de Xixón acoyó esti sábadu 4 de febreru l'actu d'entrega de la tercer edición de los Premios Oh! de les Artes Escéniques d'Asturies. El protagonismu foi pa la danza, xéneru que llevó'l reconocimientu a Meyor Espectáculu con Folías, de Factoría Norte, una obra que cuenta col baillarín Manuel Badás, con dirección de Borja Roces y producción de Carmen Gallo, reconocida esta tamién col premiu a Meyor Productora. Amás, tamién llevó'l premiu a Meyor Diseñu d'Illuminación pa Rafa Mojas y Eduardo Espina.

La obra Low Cost quedó reconocida con dos premios: pa Maxi Rodríguez como Meyor Autor y pa Jorge Moreno como Meyor Intérprete Masculín. La obra Gaviota 2.1 ganó dos: Meyor Intérprete Femenina p'Ana Bercianos y Meyor Banda Sonora Orixinal pa Mapi Quintana, Jacobo de Miguel y Marcos Baggiani. Los otros premios foron pa Un lugar en tu corazón, de Teatro del Cuervo y José Luis Lago Producciones, por Meyor Espectáculu pa Neños; Meyor Dirección, p'Andrés P. Dwyer por De locos, payasos y poetas; Meyor Escenografía, pa Miguel Quiroga y Luis Mosquera, por Aupapá; y Meyor Indumentaria p'Anabel González por El pequeño peste: Historia pestilente de un gato apestoso. El Premiu Oh! d'Honor foi p'Antonio Ripoll.

Como resultáu, Factoría Norte va representar a Asturies nos Premios Max con Folías.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam