Cultura

Filoloxía rectifica y nun esclúi l’árabe

10/03/2010 a les 11:45:10

La Universidad d’Uviéu rectificó la so decisión inicial y finalmente va incluír la llingua árabe nel plan d’estudios de Filoloxía, según confirmaron fontes de la Facultá de Filoloxía. La intervención favorable del rector, Vicente Gotor, foi decisiva y finalmente Romániques lliberó los seis creitos que precisaba la materia pa siguir impartiéndose nel centru universitariu. La llingua va incluíse na asignatura Idioma Modernu, xunto al francés, l’italianu y l’alemán.

La primer propuesta d’eliminar l’árabe del plan d’estudios de Filoloxía adoptóla la Comisión de Docencia de la Facultá de Filoloxía. Cuando la decisión trescendió, investigadores arabistes del Conseyu Superior d’Investigaciones Científiques, profesores de la Facultá de Filoloxía y alumnos d’árabe de la Facultá uviedina y d’otres españoles fixeron llegar al Rectoráu escritos de protesta, solicitando a Gotor que nun eliminara esta asignatura, dau’l reconocíu y creciente prestixu internacional de los estudios árabes y islámicos de la Universidá d'Uviéu. Bustos Tovar, catedráticu eméritu de la Complutense, llegó a calificalo de «catástrofe cultural».

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam