Economía

FADE califica d'«esmolecedores» los datos del paru

02/03/2010 a les 16:20:00

El secretariu xeneral de FADE, Alberto González, calificó d'«esmolecedores» los datos del paru conocíos el 2 marzu.

«Aumentemos en tasa intermensual y interanual y esti mes fixímoslo más que la media nacional, lo que ye negativo y preocupante, porque nun hai síntomes de que se vaiga producir un cambiu de tendencia nun plazu curtiu», esplicó.

Pal secretariu xeneral de la patronal asturiana, los únicos datos esperanzadores son el de les contrataciones, qu'en términos interanuales aumentaron dalgo más que nel conxuntu del Estáu español, y el de l'afiliación, «que s'estabilizó».

Otra manera, Alberto González fixo una primer valoración sobre la propuesta del Gobiernu de que l'ICO dea empréstamos directos d'hasta 200.000 euros a les pymes. Según aseguró, «por fin el Gobiernu se punxo manes a la obra pa encarar el problema tan grave de la escasez de creitu», un problema que FADE y CEOE veníen denunciando dende hai cuasi dos años.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam