Asturies

FAC y IX discuten por cuenta de los costos pa la campaña electoral de marzu

REDACCIÓN. UVIÉU - 06/02/2012 A LES 13:27:42

La petición d'una campaña de costu cero que fixo'l líder d'IX, Jesús Iglesias, tuvo aína la respuesta de Cristina Coto, de Foru Asturies (FAC): «Por supuestu que Foru comparte la necesidá d'una campaña austera, pero lo que ye pura hipocresía ye qu'aquellos que xeneraron 400 millones d'euros en sobrecostos namás en tres obres quieran agora treslladar la so supuesta esmolición polos gastos electorales». «Y, precisamente, eliminar sobrecostos sospechosos frutu de xestiones desastroses foi y ye ún de los oxetivos de Foru Asturies», amestó.

Iglesias respondió a estes declaraciones tachándoles de «desvergüenza». El coordinador xeneral d'IX sostién que FAC miente porque nun va facer una campaña austera: la esplicación ta en que tenía acutaes la mayoría de les valles d'Asturies enantes de convocar les elecciones. Jesús Iglesias considera «una desvergüenza» que «nel so afán d'asegurar el monopoliu de la derecha meta a tolos asturianos nuna convocatoria electoral innecesaria xenerando un costu económicu importante a una sociedá que cuenta con cuasi 90.000 parados». Tamién respuende a les acusaciones de sobrecostos diciendo que FAC «nun xeneró nengún sobrecostu porque nun fixo nenguna obra n'Asturies mentanto gobernó».

IX volvió a emplazar a les fuercies polítiques a facer una «non campaña o una campaña de costu mínimu». Énte'l «silenciu clamorosu» de PP y PSOE, que nun se pronunciaron sobre esta iniciativa, Iglesias entiende que ye que comparten la mesma estratexa que FAC.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam