Economía

Entámense concentraciones contra los despidos na RTPA y nos medios de comunicación asturianos

25/02/2010 a les 19:00:22

La Xunta Xeneral del Principáu vio manifestase énte les sos puertes a decenes de persones que protestaron polos despidos recientes nos medios de comunicación asturianos, sobre manera en La Voz de Asturias –que punxo en marcha un ERE hai unos díes depués de la compra de la cabecera pola empresa Mediapubli, editora del diariu Público– y la Radiotelevisión del Principáu d’Asturies (RTPA), onde tamién hai dellos trabayadores despidíos, ente ellos ún de los candidatos al comité d’empresa nes últimes elecciones sindicales.

La protesta quixo poner el focu sobre la precariedá na que desenvuelven el so llabor los profesionales asturianos del sector de la comunicación, especialmente en dos puntos como son la precariedá y la inestabilidá llaboral. Los despidos nos medios de comunicación asturianos empezaron a primeros del añu pasáu en Televisión Local de Xixón (TLG) y dende entós vinieron socediéndose en delles empreses hasta llegar al so puntu más dramáticu col espediente de regulación qu’acabó abriéndose en La Voz de Asturias.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam