Economía

HC Enerxía anuncia los sos bonos resultaos

05/03/2010 a les 12:02:50

HC Enerxía sacó nel 2009 un beneficiu netu de 223 millones d’euros, lo que supunxo un 22,2% menos respective al exerciciu anterior. Unos resultaos, con too y con eso, «escepcionalmente bonos» pa la directiva, nun añu que se caracterizó pola «baxa de la demanda y de los precios y l’escesu de capacidá del sistema».

Asina lo puxeron de manifiestu’l presidente d’HC Enerxía, Manuel Menéndez, y el conseyeru delegáu, João Manso, na rueda de prensa que se celebró n’Uviéu pa presentar los resultaos de la compañía. Ensin tener en cuenta los ingresos estraordinarios del 2008, relativos a la salida a bolsa d’Edp Renovables, el beneficiu netu supón un aumentu del 16,8 por cientu en comparanza col añu 2008.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam