Economía

Ence va ampliar capital pa reducir deuda

04/03/2010 a les 21:46:28

El Conseyu d'Alministración de Ence alcordó ampliar el so capital social por importe de más de 130 millones d'euros pa reducir l'endeudamientu, reforzar los recursos propios de la sociedá y la so estructura financiera y desarrollar proyectos d'inversión.

La operación va facese al traviés de la emisión y puesta en circulación de 83.112.890 nueves acciones ordinaries, de 0,90 euros de valor nominal caúna, con una prima d'emisión de 0,665 euros por títulu, lo qu'equival a una prima d'emisión total de más de 55,2 millones d'euros.

En conxuntu, el preciu d'emisión unitariu, sumando'l valor nominal más la prima d'emisión, va ser de 1,565 euros por acción, colo que l'importe total previstu de l'ampliación de capital d'Ence va xubir a daqué más de 130 millones d'euros.

Ence precisó que'l contravalor de les acciones que se van emitir va consistir n'aportaciones dineraries, y va reconocese a los accionistes de la sociedá'l derechu de soscripción preferente de los títulos nuevos.

Cada acción en circulación va otorgar un derechu de soscripción preferente, y van ser necesarios 21 derechos de soscripción preferente pa soscribir diez acciones nueves.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam