Cultura

Empieza'l Derrame Rock 2010

24/06/2010 a les 18:48:40

El Derrame Rock empieza a celebrase güei, xueves 24 de xunu, nel recintu pravianu d'Agones. L’eventu va celebrase los díes 24, 25 y 26 de xunu, nos que va conmemorase’l quince aniversariu del festival musical más importante de tolos que s’entamen n’Asturies. Nesta ocasión van ser más d’una trentena les bandes que xuban a dalgún de los dos escenarios montaos nel Recintu Deportivu.

El vienres 25, los soníos más rockeros y punkies van ocupar la mayor parte de la xornada, con formaciones veteranes como Siniestro Total, Obús, Barón Rojo o Reincidentes, y otres más nueves, casu d’Envidia Kotxina, Motociclón o Los del Gas. La representacion asturiana inclúi, ente otros, a Pablo Valdés, Paperbacks, Desakato o Skama la Rede.

La última sesión del Derrame Rock d’esti añu, el sábadu, va acoyer una cartel con bien de variedá estilística, qu’inclúi rock duru, metal, funk, ska, punk, surf o fusión. Esa tarde nueche van poder vese grupos como Soziedad Alkohólika, O’Funkillo, Los Suaves, The Toasters, Berri Txarrak, Narco, El Último ke Zierre, Los Coronas o Lendakaris Muertos. En cuantes a la representación asturiana, va tar formada por Muñeco Vudú y Dixebra.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam