Empiecen los cursos nel Centru de l'Asturianada de Mieres

El Centru d’Estudios de l’Asturianada de Mieres abrió’l plazu d’inscripción pa los dos cursos colos qu’esti centru escomienza’l so llabor pedagóxicu. Trátase d’un cursu de cantu y técnica coral pa cantantes de tonada y un taller de poesía en canción asturiana, que se van desenvolver nel mes de marzu dirixíos por Mapi Quintana y Xuan Bello, respectivamente. Los talleres van durar 20 hores y van encargase d’impulsar un llabor pedagóxicu que se quier dir aumentando nos meses que vien pa convertir esti equipamientu nun referente.

La conceyala de Cultura, Diana González, fixo que rescamplara’l fechu de que, hasta esti momentu, l’actividá centrárase nos llabores de recopilación y dixitalización d’archivos y qu’agora, con estos cursos, «ponse en marcha la parte más pedagóxica, que ye en realidad ún de los oxetivos principales del centru».

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam