Llingua

El Bloque por Asturies «llamenta’l despreciu» de la cantante Diana Navarro pa cola llingua asturiana

08/03/2010 a les 19:15:00

Tres la gala de los XIV Premios de la Música na que Dixebra s'alzó col premiu a la Meyor Canción en Llingua Asturian y el posterior comentariu de la presentadora –y cantante– Diana Navarro (que pue vese nesti enllaz), el Bloque por Asturies llamenta que l’artista andaluza «faiga chancia del nuestru idioma p’acabar disculpándose».

De mano, nuna nota de prensa, la coalición asturiana espresó la so felicitación a Dixebra por «llevar la llingua asturiana y la so reivindicación con valentía» a un escenariu de tanta importancia, como ye’l Teatru Calderón de Madrid, escenariu de la entrega de los Premios de la Música 2009.

D’otru llau, el Bloque llamentó que l’artista malagueña se riera y fixera chancia «del nuestru idioma» al entregar al premiu a la banda asturiana. Según el Bloque por Asturies, esto namás «demuestra la inorancia que fomenta’l sistema educativu español que fala de pluriculturalidá y nun ye quien a esplicar a la so población los valores de la diversidá llingüística qu’existe nel Estáu español».

Al mesmu tiempu, dende esti partíu reconocieron tamién que l’artista rectificara y pidiera perdón nun comunicáu en castellanu y n’asturianu (pue lleese calcando equí).

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam