Llingua

«Doi la cara pola oficialidá» busca la semeya 10.001 en La Pola Siero

28/11/2009 a les 00:00:00

Yo doi la cara pola oficialidá, una campaña en favor de la oficialidá de la llingua asturiana, ta teniendo un gran éxitu y una amplia resonancia social. Güei la organización cívica ta acabante colgar la semeya númberu 10.000.

Pa celebralo, el CAO organiza esti sábadu 28 de payares en La Pola de Siero delles actividaes culturales, lúdiques y deportives que se van desenvolver a lo llargo del día col lema ¿Quies ser la 10.001?. Asina, a partir de les 12 hores, nel Parque Alfonso X, va celebrase una partida de bolos cola participación de la Federación Asturiana de Bolos, Chechu Rubiera y Cundi; a les 16.30, na Plaza d'Abastos va haber xuegos tradicionales y Milio'l del Nido va poner pueblu col so afamáu cuentacuentos. Ente les 17 y 19 hores, na Plaza d'Abastos, va haber una Muestra de software llibre n'asturianu y, a partir de les 19 hores, un alcuentru de pandereteres con miembros de los grupos Nerbia, Herbamora, Fitoria, Melarde y Cantaruxare. Los actos reivindicativos acaben a les 21 hores, nel Antiguu Bancu Central, con un amagüestu onde van participar Toli Morilla, Anabel Santiago, Duerna, Pandereteres de Fitoria y La Curuxa.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam