Actualidá

IX diz que Zapatero sigue proponiendo «reformes cosmétiques»

31/08/2010 a les 15:58:18

Jesús Iglesias, coordinador xeneral d'IX d'Asturies, sostién que José Luis Rodríguez Zapatero, presidente del Gobiernu español, sigue «ensin atrevese a tocar a los ricos d'esti país» y sigue proponiendo «reformes cosmétiques» en materia impositiva.

Iglesias criticó nestos términos que'l responsable del Gobiernu español, nel Debate del Estáu de la nación, adelantara que diba facer una reforma fiscal pa que pagaren más los que más tienen y dos meses después «con continues contradicciones de los sos ministros, vuelve a desdicise y escaez los principios de la esquierda».

El coordinador xeneral d'IX esixó una reforma fiscal verdadera, xusta y progresiva y que se sofite en cuatro pegollos básicos: reequilibrar el pesu de los impuestos directos y indirectos, onde IX apuesta por una xuba de los primeros; aumentar el gravamen sobres les rentes del capital, favoreciendo les del trabayu, «porque agora mesmo tán favoreciéndose les rentes del capital»; xuba de los criterios de progresividá nos impuestos directos; y acabar colos mecanismos llegales que favorecen la evasión d'impuestos, ente ellos les Sicav.

Otra manera, Iglesias afirmó que Zapatero «nun toca a los ricos qu'usen les rentes altes pa evadir impuestos. Nun s'atreve a proponer una xuba d'impuestos pa los ricos o a lluchar contra'l fraude fiscal nesti país. Eso sí, xube los impuestos indirectos, como l'IVA, que pagamos toos».

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam