Dii a dii en Loriant: entamu

Hola como tais toos, soi Xuan Nel Expósito, y palos q nun me conozais voi presentame: soi un músicu tradicional asturianu que lleva munchu tiempu ya tocando pelos escenarios. Entamé a tocar nel Festival Intercelticu de Loriant fai 24 años , ya llovió desde aquella, tenia hasta pelu!!! . Ellí ficé de tou : Tuví tocando de concursante na primera edición del concursu de gaita McCallam ( agora Mc Crimmon), acompañe a dellos grupos de baille como músicu, desfilé y conocí tolos pueblinos de la redolada de Loriant como gaiteru de delles bandes de gaites, toqué en tou tipu d"escenarios ( los más piquiñinos y los más grandes) con dellos grupos de folc, y ultimament ficé de xurau pal concursu de curdión . Vamos que como dicia mio güelu que en gloria tea , fui " xuanín de los milenta oficios " en Loriant . (Tovia alcuerdome del revuelu que armaren les mios madreñes de clavos na primera edición que tuví).

Como toa relación llarga , tien les sus baxaes y subies : pase de pensar que yera "lo másimo " cuando entamé a dir, a dir cansando pucuñín a pocu, a ignoralu más tardi, y finalmente a tornar a disfrutalu y valoralu na so xusta midia, y reconocey la importancia que tuvó na mio formación como músicu, ellí pudi ver conciertos que me marcarén positivamente pala mio carrera, conocer xente y músicos que dieronme visiones nueves , o sea que foi un puntu d"alcuentru importante pa mi. O sea que ye comparable a una llarga relación de pareya que pasa por tolos estaos.

Pero tareis entrugandovos , a que vien tou esti rollu que vos toi chando , bueno pues voi añidir un nuevu trabayu - oficiu a la mio llista , y ye la de contavos que ye lo que me tá llamando l"atención , o pasando ensin pena ni gloria pol festival , con unes cróniques-critiques diaries que entamaran el domingu 9 d"agostu. Lo primero que vos digo ye que nun soi peridista, disculpes a tolos que nun yos preste la mio manera d"escribir o cuntar les coses. Lo que espero ye aportavos una visión "diferente" d"esti eventu , cola visión de un daquien que conoz lo que pasa desde dientro , y que medró musicalmente a la par que foi medrando el festival n"estos ultimos años.

Pero que vos preste.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam