Les Noticies.com. Diariu dixital. 17-05-2012
La deuda d'Asturies xube un 54,2 % nel primer trimestre del 2011
HÉCTOR M. PALACIO . UVIÉU - 22/06/2011 A LES 18:39:15La deuda d'Asturies nel primer trimestre del 2011 xubió a 1.661 millones d'euros, lo que supón una medría del 54,2 en comparanza cola del primer trimestre el añu pasáu, que yera de 1.077 millones d'euros. Estes cifres ponen a Asturies ente les comunidaes del Estáu nes que más xubió la deuda, y namás la superen Cantabria, con un 81,6 % de medría, y Estremadura, con un 67,8%. Namás Canaries foi quién a reducir la deuda con una baxada del 7,1%. A nivel estatal, la deuda de les autonomíes medró un 26,4 % y algama la cifra de 121.420 millones d'euros. En cuanto a los datos totales, valencianos y catalanes son los más endeudaos, con una ratio ente deuda y PIB del 17,4 y 17,2 por cientu respectivamente.
En cuantes a la deuda local, la cifra llega a los 37.352 millones con una medría del 3,2%. Madrid ye la ciudá más endeudada en términos absolutos, anque descendió de 7.314 millones de euros que tenía nel primer trimestre del 2010 a 7.008 nel 2011. Barcelona vio aumentar la so deuda un 56,7 por ciento pasando de los 703 millones d'euros del primer trimestre de 2010 a los 1.102 actuales. De los más de 37.350 millones de deuda local del primer trimestre del añu, 29.849 correspuenden a los conceyos.
10/05/2012 - El Serida edita dos llibros pa la cría del gochu’l país
17/04/2012 - El sector agrariu asturianu ponse d'alcuerdu énte la reforma de la PAC
18/04/2012 - El Principáu va pagar 259 millones d'euros col mecanismu estraordinariu de pagu a proveedores
20/04/2012 - CC OO alvierte de que les midíes de recorte van facer afondar la crisis
Esta web cuenta con una subvención de la Conseyería de Cultura y Deporte del Principáu d'Asturies
© Diariu LES NOTICIES y PUBLICACIONES ÁMBITU
Cai San Xuan 5, 3u derecha - 33003 - Uviéu
Tel. 985 204 601 - Fax. 985 221 537
Avisu Llegal -
Creitos -
Móvil
