Actualidá

Detienen a 22 miembros del Partíu de los Trabayadores del Kurdistán

26/02/2010 a les 17:14:53

Les Policíes de Francia y Italia desenvolvieron na madrugada del vienres 26 de febreru dos operaciones paraleles que llevaron al arrestu de 22 supuestos miembros del Partíu de los Trabayadores del Kurdistán (PKK), que ta illegalizáu porque Turquía, los Estaos Uníos y la Unión Europea considérenlu un grupu terrorista.

La metá de les detenciones fixéronse n’Italia y la otra metá en Francia. La operación contó col apoyu de les fuerces de llucha antiterrorista d'Alemaña, Bélxica y Países Baxos.

Según informó'l fiscal xefe de Venecia (norte d'Italia), Vittorio Borraccetti, el grupu operaba n'Italia pa reclutar a mozos y, depués d'una fase de formación militar, mandalos a Turquía pa facer «actos terroristes».

La organización actuaba n'otros países europeos, según Borraccetti. Amás de los deteníos, nel país tresalpín ta investigándose a otres 16 persones, cuatro d'elles italianes, pola so presunta vinculación con esta organización.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam